தவம்!!

இமை மூடாமல் விழித்திருக்கிறேன்
உனதொரு பார்வைப் பார்க்க !
செவி நீட்டி விழைந்திருக்கிறேன்
உனதொரு வார்த்தைக் கேட்க !
ஐம்புலனும் கட்டுண்டு வீழ்கிறது
உனதொரு புன்னகையை எதிர் நோக்குகயில்.
நொடி நிமிடம் நாளென நேரத் துகள்
 அனைத்தும் நீ நிரப்ப காலி ஏடுகளாய்!!
பார்த்தால் தான் காதல் வருமென யார் சொன்னார்கள்?
உணர்விலே தோன்றி நினைவிலே கலந்த
ஒவ்வொரு சுவாச மூச்சிலும்  உன்னைப் பற்றிய எதிர்பார்ப்புகள்!
ஆதலால் காதல் தவம் செய்கிறேன்
உன்னை எண்ணி, உன்னையே வரமாய்க் கேட்க!
என்றேனும் ஒரு நாள் வருவாயா..
அம்மா என்று அழைக்க!!!