என் உயிர் தோழா!
பார்த்த நொடி முதல்
உன் சிரிப்பொலியிலும்
உன் விழி ஓரங்களிலும்
சமர்ப்பிக்க்பட்டது என் இதயம்!!
உன் ஒற்றைச் சொல்லில்
சுழலுது என் பூமி
இது உனக்கும் தெரியும்
இருப்பினும் துன்பம் தருகிறாய்
மௌனம் சாதித்து!!
பார்க்கும் பொருளனைத்தும்
உன் நினைவுகளாய்!
கண்களை மறைக்கும்
கண்ணீர் திரை கொண்டு
மறக்க முயல்கிறேன்!
ஆனால், மறைய மறுத்து
மறு ஒளிபரப்பு செய்து கொண்டிருக்கின்றன
உன் நினைவலைகள்!!
நினைவனைத்தும் நீயாய்!
கனவனைத்தும் நீயாய்!
உயிர் கூட உன்னுடையது தான்
நான் மட்டும் தனிக்கூடாய்!
வரண்ட பூமியாய் என் மனது
உன் நினைவு மழை மட்டும் போதாது
உன்னிடம் கேட்பது இது தான்
உன் வானம் என் வசமாகுமா??
